حب من نوع آخر

**toproot** الأحد يوليو 22, 2007 5:41 pm

كنا نعيش معا نتذوق الحياة ... نتشارك فيها
وثقت فيها بحسي ...بروحي
احيانا اجد منها عطفا ..وغالبا ﻻ
ﻻ ادري لماذا ؟؟؟
أجرحت مشاعرها ؟؟؟ ... اخطاة في حقها ...؟؟؟
عدت للماضي ...لم أجد شيئا من ذلك !!؟
قررت تركها ...قرار صعب ... بل ﻻ بد ... ما الحل ؟؟؟
لماذا يا وندوز ؟؟؟
بنت مايكروسوفت ؟؟؟

***** ***** *****

جثوت على الأرض ... مصيبتي كبيرة ... اغمضت عيني
فجأة ... شعور ينتابني ...فتحت عيني ... ﻻ اجد شئ ؟؟؟
مرة أخرى ...بصيص أمل ...
حسناء تخرج ... كالشمس أشرقت
حينما اتأمل فيها ... يمتلئ صدري فرحة وسرور
انظر إلى اعينها ...بشعرها الاشقر ...جسمها الممتلئ
تشفي غليلي

يا إلهي ... ما ذنبي ؟؟؟
سوى جمالها ... سوى دﻻلها ...
حيرتني ....عذبتي
باتسامتها ....انسى الدنيا وهمومها ....
احاول تقليدها ... ﻻ استطيع ... ﻻ اقدر
غير تلك الصورة في ذهني ... اتخليها
اسمها اوبونتو ...
ابوها لينكس ....
جدها يونكس ...

نعم الحسب ...النسب ...الجمال !

**** ***** *****

محمد الجميعابي الأحد يوليو 22, 2007 10:20 pm

لكن يامديرنا مالقيتك .........
بالمناسبة ذكرتني الدعاية البيجيبوها في الراديو بتاعت تلاجة ليبهر لو سمعتها هههههههههههههه
لكن بالمناسبة انت زول شاعري جدا وزول احساسك مرهف و انا عارف الكلام ده ماقاصد بيهو ويندوز و لا لينيكس و لاكده و المصطلحات دى نحن اسيادها و اسال منقولي و حاجة الطيب من الكلام ده
فيلريت تورينا دي منو الشاغلة بالك ..
وعلى قول اخونا عصام محمد نور "بسمة .. نظرة .. حاول انت تحن ولا ترحم حالي ليه انت ما تعطف علي يا غالي "
قولنا يكون في وحدة كدة ولا كدة بعدين ما شاء الله استعدت عافيتك بعد الشاكوش ده ولا شنو ياطارق.
ههههههههههه

اخيرا:
ولك كل احترامي و تقديري يامديرنا و ماتزعل
بالمناسبة كدي حش على شباب الكاملين ده و اديني رايك فيهو

**toproot** الأحد يوليو 22, 2007 11:20 pm

مبروك على المنتدى الجميل ده وشكل حلو ، لكن الحقوق محفوظة في انشاء مثل منتدانا ،ههههههههههههههههه دايرك توريني كيف عرفت طريقة عمل المنتدى دا.

محمد الجميعابي الأحد يوليو 22, 2007 11:28 pm

الفضل يرجع لربنا ثم ليك انت ياود عباس انت استاذنا ياخي و نحن تلاميذك يافردة .
في الحقيقة المنتدى ده عملتو امبارح ونبعت فكرته من منتديات قمرنا السودانية حيث ان بعض الشباب من ابناء الكاملين انو دايرين موقع يلمهم ففكرت في عمل منتدى لحين انشاء الموقع و اكيد طبعا انت حتساعدني فيهو .
بالمناسبة الايستايل بتاع 25 حارسلو ليك اسي خليك صاحي و ياريت تعملو اسي وك الشكر يا مديرنا

طارق الإثنين يوليو 23, 2007 11:06 am

يا محمد عباس ذيي ما قال الجميعابي الكلام دا انت ما قاصد بيهو اللينيكس انت قاصد حاجة تانية ونحن عارفنها . ماشاء الله أصبحت تجيد الشعر ذي ناس عنتر ومجنون ليلي والقائمة الطويلة وبقول ليك الله يصبرك

منقولي الإثنين يوليو 23, 2007 1:57 pm

والله يامديرنا لو ماقلت شعرها الاشقر وجسمها الممتلئ كان قلتا دي .......زاتا المعزباك اربعه سنه في الدفعه
لكن احييك والله
انا ماقلت ليكم في مواهب مدفونه في الدفعه
لكن يامدير اودنتوو دي شنو اول مره اسمع بيها
ياريت نعرف
احتمال نحنا نحب البت دي برضو

اخيرا:
حليلك ياوندوز
المدير طلعك بت حرام
لاحسب لانسب
ماتنكر الجميل يامدير

**toproot** الأربعاء يوليو 25, 2007 12:13 pm

من الغريب جدا ان يحب رجلان او اكثر امرأة واحدة ، لكن ما مشكلة الزمن دا في تقنية الاستنساخ - نكلمهم ينسخوا ليك حسناء ذي دي - .

حقيقة ubuntu اصدارة لينكس جديدة عمرها سنتان او اقل - نزلت جديدة - واعتلت عرش اللينكس في هذه الفترة الوجيزة حيث انها تنزل مجان فقط ادخل على www.ubuntu.com وتحتاج الى نت سريع -حجمها 700ميقا بايت - واحرقها على اسطوانة من ثم تكون bootable - اذا لم تكن تعرف طريقة الحرق اتصل بي حتى لا تخرب الاسطوانة -

حب من نوع آخر

حب من نوع آخر

رد: حب من نوع آخر

تمام والله

رد: حب من نوع آخر

رد: حب من نوع آخر

رد: حب من نوع آخر

رد: حب من نوع آخر