احذروا ردة الفعل العنيفة من اسرائيل
2 مشترك
صفحة 1 من اصل 1
احذروا ردة الفعل العنيفة من اسرائيل
السلام عليكم
تم في الايام السابقة اختراق 1000 موقع ويب في اسرائيل بعد الاعتداء الغاشم على سفينة الحرية التركية ورد عليهم الاتراك بهذا الاختراقات. احد هذه الاختراقات سلة ماكروسوفت الفاسدة (فرع اسرائيل)، حيث تم اختراق microsoft, bing, live, hotmail and coca-cola company
توعدت اسرائيل بالرد على ذلك، فلنتبه للمواقع الحكومة الهامة. بدأت اتسأل عن التشويش الحاصل لقناة الجزيرة الرياضية منهم حيث يحدث بالضبط مع زمن المبارة اما قبل او بعد فلا !!!!!!!!!!!!!!!!!
اذكر زمن حرب غزة الاخيرة، تم اختراق التلفزيون الغزاوي وعرضت برامج اسرائيلية تدعو الفلسطينيين الى الاستسلام.
يا ريت لو تكشف قناة الجزيرة عن كامل الحدث ويعترفوا بانهم اخترقوا بدل من كتابة "خلل خارج عن ارادتنا"
تم في الايام السابقة اختراق 1000 موقع ويب في اسرائيل بعد الاعتداء الغاشم على سفينة الحرية التركية ورد عليهم الاتراك بهذا الاختراقات. احد هذه الاختراقات سلة ماكروسوفت الفاسدة (فرع اسرائيل)، حيث تم اختراق microsoft, bing, live, hotmail and coca-cola company
توعدت اسرائيل بالرد على ذلك، فلنتبه للمواقع الحكومة الهامة. بدأت اتسأل عن التشويش الحاصل لقناة الجزيرة الرياضية منهم حيث يحدث بالضبط مع زمن المبارة اما قبل او بعد فلا !!!!!!!!!!!!!!!!!
اذكر زمن حرب غزة الاخيرة، تم اختراق التلفزيون الغزاوي وعرضت برامج اسرائيلية تدعو الفلسطينيين الى الاستسلام.
يا ريت لو تكشف قناة الجزيرة عن كامل الحدث ويعترفوا بانهم اخترقوا بدل من كتابة "خلل خارج عن ارادتنا"
لينكساوي- البرونزية
- عدد الرسائل : 94
تاريخ التسجيل : 04/02/2008
رد: احذروا ردة الفعل العنيفة من اسرائيل
العزيز لينكساوي سلام من الله عليك ...يا ريت لو تكشف قناة الجزيرة عن كامل الحدث ويعترفوا بانهم اخترقوا بدل من كتابة "خلل خارج عن ارادتنا"
على حد علمي وبعض من متابعاتي الضعيفة لمباريات كأس العالم غيرو الكتابة و خلوها "الخلل المتعمد من بعض الجهات" ههههههههههههه لكن يعترفو دي ماعارف غايتو .. يعترفو ما يعترفو غايتو ...
لو خايف على موقع حكومي سوداني ياخوي ما تخاف وارقد قفا ... اصلو الموقع بيعملوهو زي ما قلت ليك و يخلوهو معلق ويجي وزير جديد يختو صورتو و يعلقوهو برضو .... يعني مافيهو شئ مهم ... الا غايتو بتاع جامعة الخرطوم ولا الجزيرة "بيانات طلاب ورسوم دراسية ورسوم تسجيل ورسوم بطاقة و دمغة جريح "الجريح الماداير يبقى شديد ولا داير يموت" وحاجات زي دي " عشان كده ياخوي على قول ادروب ما تلاوس هههههههه
وكان الاسرائيلين قبلو على مواقعنا السودانية دي بتعبو في الفاضي لانو ماحيضرو بحاجة ويكون ضيعو زمنهم ساي لانو اكان نحن ولا اكان غيرنا ياهو بنظر ساي تنظيرات بس احسن يشوفو المواقع التركية دي يختونا غادي غادي ... وزي ما بقولو كتلوك ولا جوك جوك ...
خلينا من ده وشوف سودانا الحيتفرتق لدولتين ....؟؟؟
دولة الاماتونج "دولة جنوب السودان" بعد الانفصال ...
بايدن نائب الرئيس الامريكي و سلفاكير و التهنئة و المباركة و الدعم بالدولة الوليدة ...
الدعم المادي و الدعم العسكري و الدعم اللوجستي "غايتو لوجستي دي ماعارفها يعني شنو" ...
السودان ... سودان شمالي و سودان جنوبي
ناس الجنوب سمو دولتهم الاماتونج ... يعني اسم السودان في الاصل جاية من كلمة السود زمان و الاصل بتاع السودان في القرون الماضية من موريتانيا و حتى البحر الاحمر لسحنة ساكنيها السود ...ودي طبعاً عنصرية وقصص زي دي وهم كمان سمو دولتنا بدولة الجلابة "عارفين جلابة يعني شنو ؟؟؟"
ياربي نحن حنسمي دولتنا الجديدة شنو "قصدي السودان الشمالي" اكيد طبعاً ما حيبقى اسمو السودان و اكيد طبعاً اي زول سوداني ماحيكون سوداني انما النسب من اسم الدولة الجديدة ...
ففي اقتراح بانو الناس تسمى دولتها الجديدة شنو؟؟؟؟
الانفصال صار واقعاً ... على لسان الجنوبيين و المسيرات التي تدعم الانفصال ومحدثوهم من الوزراء في الجنوب وكده ...
المفاوضات في الدوحة مع الحركات المسلحة في دارفور يضعون حق تقرير المصير لشعب دارفور ايضاً حذوة بالجنوبيين ...
بعد شوية جبهة شرق السودان و ايضاً حق تقرير المصير لابناء الشرق
وكمان ناس الجزيرة برضو دايرين تقرير مصير ...
ههههههههه
والشغلانة جارة ....
بقولو كده واعوذ بالله من القوالة ....
بس نقول ربنا يستر واللهم لانسألك رد القضاء ولكن نسألك اللطف فيه ...
لكن كدي اقترحو لينا اسم لدولة شمال السودان ...
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى