اختراق موقع التسجيل الالكتروني لجامعة الجزيرة

السلام عليكم

قمت باختراق موقع التسجيل الالكتروني لجامعة الجزيرة بطلب من ادارة الاستضافة للموقع (بنك الادخار) بعد ان قاموا بتركيب جميع ادوات وخطط الحماية من قبل شركة في الخرطوم. صراحة الحماية غبية جدا جدا وتنمي عن شخص لا علاقة له بامن المعلومات لا من قريب ولا من بعيد، ولا حتى فهم Infrastructures بالطريقة الصاح.

من المسؤول عن اللعب والهزل في السودان؟

موقع البرلمان، موقع الصحة الاتحادية، ووووووووووووووووووووو كلها اخترقت.

حليلك يا بلادي

جهجهته الجمااااعه ديل ماخليت ليك زول ماهكرتوو هههههههههههههههه الناس ديل ماشين بالعافية ماتفتح عليهم العيون

دا عشان يبرمجوا بالطرق الصاح ويحترموا التخصصية و يعرفوا قدرهم وما يتفلسفوا ساي خصوصا البلد محتكره بالزارعيين (سواء كانوا من هندسة او علوم) حتى ابو السعود (عميدنا المفدى) اصيب بالعدوى. مشيت ليه يكتب لي Recommendation عشان اقدم بيها للدكتوراه، رد علي منفعلا انه دي مشكلة الناس كلها في السودان. قال لي التخصصية هي الخاربه البلد لازم الواحد يقرأ الزراعة كلها وبعدين يتخصص في الشجرة وكان يشير الى شجرة من فوق البلكونة.

قلت ليه يا دكتور كلامك صاح بس دا في البكالريوس انا داير اعمل دكتوراه، قال لي برضو ورفض.

دا سوداننا يا حبيب مغضوب علينا أينما ثقفنا، وحتى لو تشوف ليك جنسية تانية خلفيتك سودانية ما بدوك (رأيت بعيني كيف يكرهنا الامارتيون والماليزون، لمن يكون بجنبك اوربي بنسووووووووووووووووووك)

الحل شنو؟ اللهم فرجك نرجو فتخلصنا من دكاترة الظلام، فضلوا وأضلوا.