تحية وسلامات

الي رفقاء الدرب الأعزاء سلام من الله عليكم ورحمة منه وبركات :
كيف أحولكم جميعا بدون فرز فرد فرد والأخبار الجميلة والله كتيرة أخبار الناس الإشتغلوا وناس الماجستير والناس العرسوا حقيقة يعد إنقطاعي عن الحياة عامة لمدة شهرين متواصلين وجدت هذه الأخبار السعيدة وكلهم أقول ليهم ألف ألف ألف مبروك والناس العرسوا نفول ليهم بيت مال وعيال إن شاء الله وبارك الله لكما وبارك عليكما وجمع بينكما في خير وناس الماجستير نتمني ليهم حياه مهنية سعيدة ان شاء الله وأخوانا أساتذة الجامعات والله رفعتوا راسنا شديد ربنا يوفقكم كمان وكمان ولكل الناس الما عرفنا أخبارهم نتمني أن يكونوا علي أحسن حال .....
تحياتي أبعثها الي المنقولي ومحمد عبد الرحمن وصديقي العزيز محمد عباس ومحمد بابكر و ود الحكومة وجدوا هشام وخسام وعبد الرازق شيخنا وكل أفراد 25 لكم التحية ...

مرحب بيك والله الاخ العزيز طارق....
مشتاقين والله..
مسجل غيبه دائمه عن المنتدي
بس انت قلت:
"يعد إنقطاعي عن الحياة عامة لمدة شهرين متواصلين وجدت هذه الأخبار السعيدة "
يازول انت كنت وين اصلك؟
اوعي تكون مشيت امرحي!!!!
وكان ماعارف ام مرحي اسال طيفور عنده الخبر اليقين...

بس كنا متمنين تورينا اخبارك شنو؟
دراسه ولاشغل ؟؟ووين اذا اي من الاتنين حاصلات؟
لكن برضو ماقصرت بي طلتك و"بدلتك" الحلوه ودي وتاني ماتطول بالله..

وعليكم السلام ورحمة الله تعالى وبركاته
حبايبنا طارق ومنقولي ... لكم منى اطيب تحية ممزوجة بحرارة الفراق (ردنا الله الى حالنا الاولى)

تحياتنا لكل افراد الدفعة 25 فردا فردا

السلام عليكم ورحمة الله تعالى و بركاته
الى كل المتمرمرين على امتداد دفعتنا الحبيبة من الهند و ماليزيا و السعودية و داخل الوطن في مختلف انحاءه من شرق السودان الى غربه ومن شماله الى جنوبه .... التحية للمتمرمرين في كل مكان ... ابعث تحاياي اليكم وفي دواخلي معظم الشوق و اجله لكم ...
مبروك لمحمد محمود الوظيفة في مدينة جدة في السعودية وربنا يوفقه في الغربة ... و مبروك للاخت سلمى موسى الزواج وبيت مال و عيال و احلى تحية للعيكودي المرمور و حاجة الطيب باكمال الماستر بنجاح باهر و ربنا يوفقكم و الى الامام ... و احلى تحية لحبيبنا الدومة و اسماء عبدالرحمن في ماستر الخرطوم و انتهاء السمستر الاول و مبروك للاخت وداد الزواج وبيت مال و عيال ...
طارق خالد وينك ياراجل مختفي وماظاهر والله ليك وحشة ...

من كل اعماق قلبي تحية موصولة الى افراد الدفعة 25 المتمرمرين وغير متمرمرين ............ وحمد الله على السلامة لود الحكومة احمد الطيب والعكودي على اكمال الماستر وانشاء الله حياة عملية سعيدة وبالتوفيق وعقبال الدكتوراة ........ووكمان حبيبنا ادومة والاخت اسماء عبدالرحمن على اكمال السمستر الاول في الماستر اجتهدوا هكذا يا اسود 25 وبالتوفيق.............. واحلى واجمل تحية للاخت وداد على الزواج والف مبروك ........


وبعد طول المرمرة يظهر ابطال 25 بالمغاجات ........... حمد الله على السلامة اخونا طارق وعامل ايه ان شاء الله خير .......... واكبر المتمرمرين الجميعابي والمنقولي ......... ايه الجديد والله مشتاقين ......... خلونا نشوفكم ونسمع صوتكم او رسائلكم ............ وناسف على النسيان الله يوفقك يا محمد محمود في السعودية ان شاء الله بعد كم سنة تجينا حنفولي او جلابي ..........