يا ناااس طريقة التسجيل فى المنتدى ياها دي :

جدكم هشام السبت أغسطس 18, 2007 7:04 pm

لاحظت عدم مقدرة الكثيرين على دخول المنتدى وهنا اورد طريقة مبسطة لشرح طريقة التسجيل والدخول :

أولاً :

يجب على الزول ان يكون لديه بريد الكتروني شغال ، وشغال دي مهمة جداً لانو حا يتم ارسال اسم الدخول وكلمة المرور في بريدك الالكتروني
عليه عشان تعرف انو بريدك الالكتروني شغال اول حاجة قبل تخش المنتدى لازم تخش بريدك الالكتروني
لو فتح معاك معناتها مافي عوجة ، ولو ما فتح معناتها شوف ليك بريد الكترونى غيرو

ثانياً:

نفترض انو بريدك الالكتروني شغال وكان هو hisho@hotmail.com

تقوم اول حاجة تعملها تفتح موقع المنتدى
حا تلقى تحت صورة المنتدى الخيارات التالية :
استقبال البوابة س و ج ابحث التسجيل دخول

ننقر على الخيار التسجيل

تظهر نافذة فيها شروط تشغيل الاشتراك

نقراها وبعدين نضغط على الارتباط اوافق على هذه الشروط

تظهر نافذة مكتوب عليها معلومات التسجيل
يطالبنا فيها بادخال الاتى :
اسم المشترك : وده اختيارى يعنى ممكن نختار اى اسم
مثلا قولوا اخترنا الاسم جدو
عنوان البريد الالكتروني : وده اهم شئ لانو لازم ندخل فيهو الايميل بتاعنا الشغال وفى المثال الذي اوضحته لكم ادخل الايميل بالكامل
hisho@hotmail.com
ما تقوموا تمشوا تدخلوا hisho ده للتوضيح بس

كلمة السر : ودى هى العاوزة ملاحظة شديدة لانو كلمة السر المطلوبة هنا هي كلمة المرور اللي حضرتك بتكتبها لما تجى تخش بريدك الالكتروني

اخيراً ننقر على الذر سجل

تظهر نافذة تانية مطلوب فيها تاكيد كلمة السر : بقوم بكتابة كلمة السر بتاعة الايميل مرة تانية

مرة تانية ننقر على الذر سجل

تهر نافذة المعلومات مكتوب فيها :
تم تكوين اشتراكك. لكن, هذا المنتدى يتطلب تشغيل الاشتراك, تم ارسال مفتاح التشغيل الى عنوان البريد الإلكتروني الذي زودتنا به. الرجاء اللجوء الى بريدك الالاكتروني للمزيد من المعلومات. إذا كنت تستعمل بريدا الكترونيا مثل هوتميل "hotmail" تأكد أن الرسالة المرسكة إليك لم توضع في ملف الرسائل غير المرغوب فيها. إذا كان الحال كذلك, اضفه إلى لائحة البريد المسموح به لتتمكن من تلقي الإخباريات و المعلومات الواردة من منتداك.

والكلام ده ببساطة معناهو تمشي تفتح بريدك الالكتروني
وتقوم تفح صندوق الرسائل الواردة حا تلقى فيهو رسالة ترحيبية من منتدى الدفعة 25
مكتوب فيها :
أهلا وسهلا بكم في منتدى منتدى الدفعة 25

الرجاء حفظ هذه الرسالة. بيانات حسابك على "منتدى الدفعة 25" - https://batch25.yoo7.com هي كالتالي:

---------------------------

اسم المستعمل: جدو

كلمة السر: asdfgh
----------------------------

حسابك الان غير نشط. لا تستطيع استعماله حتى تنتقل الى الموقع التالي:

[color:f323=orange:f323]https://batch25.yoo7.com/act?u=22&ak=98576fbc86

لا تنسى كلمة السر، فقد تم تشفيرها في قاعدة البيانات ولن نستطيع استرجاعها. لكن, إذا نسيت كلمة السر تستطيع الطلب من المدير باعادة تشغيل حسابك وتكوين كلمة سر جديدة.

نشكرك على تسجيلك

طوالي نقوم ننقر على الموقع الفوق ده والمكتوب باللون البرتقالي

بعد انقر على الموقع بتجي نافذة ادخل فيها اسم المشترك جدو
كلمة مرور asdfgh

وتانى فى اى لحظة فتحت المنتدى وكنت عاوز اكتب موضوع ما على الا ان اضغط على الخيار الفووووووق الاسمو دخول ثم ادخل اسم المشترك وكلمة المرور الرسلوها لى فى الايميل بتاعي
عشان كلمة المرور ما ننساها حقو نكتبها فى الموبايل لانها ليست كلمة المرور التى نكتبها عند دخول الايميل بتاعنا
ودي نقطة مهمة الناس بدقسوا فيها

فى الختام ما تنسونا من صالح الدعوات
واصلو انا عملت شنو يعني ؟
ما اخواني الصغار لازم اساعدكم

والناس ما تضايق

جدكم هشو

منقولي الإثنين أغسطس 20, 2007 12:09 pm

تسلم ياجدو العسل

يا ناااس طريقة التسجيل فى المنتدى ياها دي :

يا ناااس طريقة التسجيل فى المنتدى ياها دي :

رد: يا ناااس طريقة التسجيل فى المنتدى ياها دي :