الموضوع عاجبني عشان كده ختيتو هنا خش شوفو هههههههههههههههههه

السودان يا هوده السودان ... الخ الاغنية
كما ذكرت اخي المنقولي الشخصية السودانية الفريدة من نوعها المكافحة في ظل هذه الظروف مع سخانة الجو و الجيب و ..... و غايتو الشخصية السودانية التي تكدح من الصباح بوجه مصرور (صاريهو يعني مكرمش وجهه فهي كناية عن الغضب) الشخصية السودانية اللي من الصباح قافلة معاها (قافلة معناها زهجان او كرهان او كلمة تدل على الزهج) الشخصية السودانية البتاكل فول من الصباح (الفول و جبة ياكلها الشخص السوداني و نفس الفول ياكله الحصان في امريكا) الشخصية السودانية التي تأكل الويكة (اثبت العلماء ان الويكة ماده خشبية لا تضر و لا تنفع . اي بصحيح العبارة "لا تسمن ولا تغني من جوع") الشخصية السودانية التي نحب المعط و الكلام الكتير من غير فايدة (زيي كده "انا يعني..") الشخصية السودانية التي تحب الدكوة (ولا شنو يا عكودي ) حتى صارت عندهم كسلام بينهم كقولهم "شباب زي الدكوة" الشخصية السودانية تلك الشخصية التي تحب دوما مساعدة الناس و حب و فعل الخير و مشهود عليها خارجيا (اي من خارج السودان) الشخصية السودلنية ايضا تحب الشمارات واكيد مع زيادة الفلفل الشخصية السودانية التي تحب الجبنة "القهوة" على قول حمادة بت (معزومة جبنة بـ....) الشخصية السودانية القلبها حار وقت الشدة الصبورة (فصبر جميل) الشخصية السودانية التي تتطلع الى الامام (كان زمان زمن كان الحكومة بقلبوها طلبة الجامعة و اسي الجامعة بلعبو فيها سك سك / لعبة سك سك "هي لعبة شعبية و تعني جاري و جارين وراهو " ) الشخصية السودانية المرتبها من ما تقبضو بشيلو بتاع الدكان ان قبضك (ليه؟؟؟؟؟؟؟؟؟؟؟؟) الشخصية السودانية الفي جامعة شكل و برة شكل تاني ( بالنسبة للبوكيمون و كده) (البوكيمون لعبة يابانية وهي حيوان مصطنع في مرحلة معينة و يقوم بالتطور ليأخذ شكلا اخر) (بالنسبة للاشكال في الجامعة شكل و الالزامية شكل و الحياة العملية شكل "اها ما قلت ليكم بوكيمون") الشخصية السودانية العاطلة زيي العندها assignment مفروض اسلمه و انا قاعد اكتب في الموضوع ده لانه انا ماعندي موضوع
الشخصية السودانية الما بتعمل بالنصيحة التي تقول لاتؤجل عمل اليوم للغد بل تقول اجل عمل اليوم لمن تنزنق (من الزنقة و هي الشدة في وقت معين)


اخيرا
يا عطالة دايرين مشاركات جادة و دايرين باقي اقسام المنتدي تشتغل انتو ما خريجين ثقافة و اعلام و لا باحثين اجتماعيين و لا معلقين رياضيين شدو حيلكم شوية
وتاني برجع اقول انو الناس ما تخش تكشف (ولا شنو يا منقولي تكشف) "تكشف بمعنى تنظر و تتطلع على موضوع معين " و تطلع دايرين المشاركات و الردود


اخيرا اخيرا:
بطلو حركاتكم دي 25 طوالي كده ما عندكم تفاعل تتمرمرو لسه خلو حركاتكم دي



جيتوني للمرمرة
..
.
.
..
..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

لسه


























قربتو...









































































اها لسة...
















































































ماتزعل قربت تصل ..




























































































خلوها مرة تانية

اخوكم