النااااااااااااااس ديل وين؟؟؟

والله ياجماعة الكلام ده ماصاح منكم كل يوم أخش المنتدى وماألقى زول وبعدين المنتدى كلو مشاركات المنقولي ومحمد عبد الرحمن وسيد الشئ زاتو ماظاهر(محمد عباس) ياناس عشان المنتدى يبقى ليهو نكهة ياريت الناس تشد حيله شوية وتشجع الناس والكلام ده لكل الأعضاء الفعالين في المنتدى يامنقولي ومحمد عبد الرحمن ياريت يكون في دور إعلامي قوي لنشر اسم المنتدى بين طلاب الدفعة 25 وحمسو الناس ديل شوية للمشاركات وبعدين ياريت نشوف مشاركات هادفة تعكس الدور الفعلي للمنتدى من مواضيع ثقافية وإجتماعية وعلمية تشجع الناس من الإستفادة والدخول للمنتدى ومادايرين المنتدى يكون بس عبارة عن شات للونسة ياريت الناس تتدعم الفكرة دي ويقوموا بخطوة فعلية وأنا بهنا معاكم على طول لو في اي حاجة ممكن أقدمه بتخدم صالح المنتدى أنا تحت أمركم وزمنا كلو موهوب لخدمة الدفعة 25 من أيام الجامعة لأنها فعلاً دفعة تستحق التضحية فياريت الناس كلها تقيف مع بعض ودي همسة ليك إنته بالتحديد ياأخوي محمد عوض عشان تحرك الناس ديل لأنك تقريبا انته أكتر زول متواجد في المنتدى .
وتحياتي للكل

انت ما عارف انو ناس 25 ديل متمرمرين اصلو دي حركاتهم
قد تم ارسال رسالة نصية لناس الدفعة اغلبيتهم (اللقينا طريقة نصل ليهم) لكن لاحياة لمن تنادي واخونا احمد الطيب ماقصر و الله اديهو العافية الكان ليهو الدور في انو المنتدي ده انو يصل لينا نحن زاتنا و غايتو , لكن ان شاءالله حنكثف الجهود بس دايرة صبر بعدين الناس ديل مافاضين الشغال الزامية و الكايس شغل لسه ما استقرو بس استقرو و اشتغلو و انا عارفهم ما بقصرو