منتدى الدفعة 25
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

القوالات كضبة ابريل

3 مشترك

اذهب الى الأسفل

القوالات كضبة ابريل Empty رد: القوالات كضبة ابريل

مُساهمة  اصيلة الخميس أبريل 15, 2010 12:53 pm

المنتدى منور بنورك وبكتاباتك
وبالحرى حمدلله على السلامة ليك ولى عودة كتابتك
وشكلو الناس ديل قاصدنك كل مرة يطلعو فيك اشاعة اعمل حسابك ما معروف الجاية تكون شنو

اصيلة
البرونزية
البرونزية

عدد الرسائل : 24
العمر : 39
العنوان : الدوحة
تاريخ التسجيل : 25/07/2009

الرجوع الى أعلى الصفحة اذهب الى الأسفل

القوالات كضبة ابريل Empty ود الغرب حرق الناس حرق

مُساهمة  راحة بال الإثنين أبريل 19, 2010 5:45 pm

سلاماااااااااااااااااات للكل
راحة بال
راحة بال
البرونزية
البرونزية

عدد الرسائل : 17
العمر : 44
العنوان : ام درمان - الفين متر مربع في امبده السبيل الحارة التاسعه منزل رقم 173
تاريخ التسجيل : 26/06/2008

الرجوع الى أعلى الصفحة اذهب الى الأسفل

القوالات كضبة ابريل Empty رد: القوالات كضبة ابريل

مُساهمة  محمد الجميعابي الخميس أبريل 22, 2010 9:09 am

شكرا ليك يا اصيلة وربنا يديك العافية ... زي ماقال عبدو عسلاية القمم مستهدفة و الاشاعات مالية البلد ههههههه بس الله يستر
وينك ياراحت البال الخال وود الغرب حرق الناس حرق .. قاطع خبرك من المنتدى ان شاء الله خير ؟؟؟؟
..........................................................................................................
نواصل القوالات و اخبار الانتخابات وكده
لكن قبل كده طبعا الليلة زواج اختنا هبة مصطفى وربنا يتمم على الف خير و بالمال و البنين يا هبة ....
وقالو من الوفد الزائر ان شاء الله لحضور الزواج على حد علمي جدكم هشام و مختار اكو لكن ماعارف تاني الماشي منو ... اللهم لو لقيت طريقة برضو بنجي ومن البنات وحدة كده منططا عينيها كده .. قالو لي غايتو ؟؟
وبرضو وحدة من القوالات انو بشير اب شنب عقد وعرسو قرب ... قالو غايتو ؟؟؟
وماشاء الله تشهد الساحة الاجتماعية من الدفعة 25 حراكا زواجيا و الخروج من دائرة الاشرار "العزوبية" عقبالك ياطارق خالد ....
وكمان قالو احمد الطيب بعد ماناقش الماجستير "بالمناسبة احمد الطيب ناقش الماجستير يوم السبت الفات ونقول ليه مبروك يا حاجة و عقبال العرس " وعلى حد علمي انو احمد الطيب جاااااااااهز صورة و صوت "اكيد طبعا موش ود حكومة" بس قال كايس المرة "فعلى كل من تأنس في نفسها الكفاءة التقدم لطلب الزواج من هذا الحاجة " ؟؟ والاقربون اولى بالمعروف و خير البر عاجله ..
وقالو عبدو عسلاية الايام دي مزنوق امتحانات ونقول ليهو ربنا يوفقك يا مرمور ...
وقالو العيكودي متمرمر ولم يثبت حتى الان على امرأة ...

غايتو كدي خلونا من القوالات دي ... زنرجع لموضوعنا الاساسي قوالات الانتخابات وكده
قالو في اليوم ماقبل الانتخابات كان متوقع لاكبر عملية تخريبية للانتخابات بقيادة بعض الحركات المسلحة ممولة من بعض الاحزاب لتقوم باتلاف بطاقات الاقتراع و الاستولاء على الصناديق وعند الاتفاق وكذلك على المبلغ المطلوب ففي اليوم ماقبل الانتخابات علمت الاجهزة الامنية بما تم الاتفاق عليه فابدلت الصناديق بصناديق اخرى لكي لا تنال تلك الحركات مرادها
.. فعند تسليم المال للحركات تم احباط المحاولة التخريبية وارجاع الصناديق الاصلية لمكانها ..
وقالو انو الجوطة الحصلت بداية الاقتراع من انو صناديق ولاية فلان الفلاني لقوها في ولاية تانية من جراء احباط المحاولة و الحاق البطاقات لمكانها بسرعة ...
وبدأت عملية الاقتراع بصورة ديمقراطية وجو ديمقراطي و الشعب اثبت انه يريد التغيير ... يريد ان تكون الحكومة الجديدة من اختياره و ليس بانقلابات ... بقولو كده بالرغم من مناداة الاحزاب بمقطاعة الانتخابات ومن المعلوم ان الانتخابات و صناديق الاقتراع هو الحل الوحيد و السلمي لتداول السلطة في البلاد ...
الشعب السوداني شعب واعي وراقي جدا ... احرج المراقبين و الاعلاميين بان تحدث شعب و فوضى اثناء عملية الاقتراع ....
وقالو انو الاحزاب المنسحبة احرجت الشعب و اخذلته ...
وقالو في الايام الفاتت ناس المراقبيين الدوليين انو الانتخابات نزيهة
وتاني يوم قالو انو الاخطاء الفنية شابت الانتخابات ولم ترقى للمعايير الدولية
وتالت يوم قالو انو الانتخابات ما نزيهة
ورابع يوم قالو انو الانتخابات دي مزورة على حسب الفيديو الطلع في اليوتيوب ...
وقالو و قالو ....
وفي اعلان النتائج الاولية للانتخابات وفوز الكاسح لحزب المؤتمر الوطني قالت الاحزاب بانها مزورة مزورة و غير نزيهة
وقال الترابي في رفضه القاطع للانسحاب قبل الانتخابات بانو سيخوض الانتخابات
وقال بعد نهاية الانتخابات بانو سارت على النحو المطلوب
وقال بعد اعلان النتائج الاولية بانو الانتخابات مزورة وتم تبديل الصناديق
اما ناس حزب الامة القومي بزعامة الصادق المهدي قال انو حينسحب من الانتخابات
وتاني يوم قال انو حيشارك في الانتخابات
وتالت يوم قال حينسحب
ورابع يوم قال حيشارك و خامس يوم قال حينسحب
وقالو انو بعد الفضحية في استلام المليارات من الجنيهات فقد قواعده وعدم مشاركته كتب على نفسه الانتحار وانو الانتخابات بعد اربعة سنين مافي حزب امة قومي
قوالات ...
وبدأ اعلان النتائج ...
ولاية النيل الازرق وقوات كبيرة في الولاية
وقالو انو مالك عقار في بداية الانتخابات في احدى التصاريح المنسوبة اليه "يا النجمة يا الهجمة" ...
وقالو مرشح المؤتمر الوطني فرح عقار "ود عمو لمالك عقار " يقترب من الفوز ...
وقالت الحركة الشعبية بانو الانتخابات في النيل الازرق مزورة ...
وقالو على عثمان يسافر الى جوبا بان يتم الاتفاق على قرار الانتخابات والنتائج الحتعلنها المفوضية ...
ومالك عقار يصدر بيان بان النتائج سواء اكان بالسلب او بالايجاب مقبولة ...
وقالو وزير الزراعة في حكومة النيل الازرق يظهر تقدم مالك عقار ...
ومطالبة الحركة الشعبية باعادة الفرز في الولاية ...
وبرضو قوالات ...
وقالو انو ناس الاتحادي الاصل ماحيعترفو بالنتائج ومحمد عثمان الميرغني حيطلع بيان الليلة
وقبل ايام قالو انهم حيشاركو في الحكومة القومية القادمة
وقبل امس قالو انهم ما حيشاركو و ماحيتحملو تبعات الحكومة و انفصال الجنوب بعد الاستفتاء 2011

........................................................................................
بس نقول ربنا يستر و يحفظ البلاد من شر كل حاقد و حسود
نواصل مرة اخرى حديث الانتخابات وقوالات الانتخابات من الشارع السوداني
محمد الجميعابي
محمد الجميعابي
الرتبة الذهبية
الرتبة الذهبية

عدد الرسائل : 300
العنوان : الكاملين مربع 5 حي المعمورة
تاريخ التسجيل : 01/07/2007

http://www.adobe.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى