عوده كوكو من الامارات

koko السبت أغسطس 01, 2009 2:20 pm

سلامات ياخال وين ماظاهر شغال تجمع في الملاييييييييييييييييييييييييييييييين ماغنيت لهسع انشاء الله امورك ماشه ميه والف مبروك مقدما انشاء عقبال العزابة وسلام للمنقه شكلوا عد القروش مورم اصابعيهوا عشان كدي بقي مابكتب داير ليهوا شهر عشان يشفي واخبار جانكلود شنو؟؟؟؟؟؟؟؟؟؟؟؟؟؟؟؟؟؟؟؟؟
واخبار النسوان الاتية اسماهن :حمودي وعسلاية شكلها كسلا نفعت معاك وناس كسلا خلوها شكلن بقوا حايمين من الخرطوم لي مدني وماخلوا مطار وياخال شكلها مودع محمد تاج ومستقبل اموا جاية من الحج اصلوا قالوا طيارة الحجاج بتجي الساعة 12 مساء بس انشاء شلته معاهوا العفش ياخال ؟؟؟؟؟؟؟؟؟حولت الموضوع ده لي حمودي الخبير في الشئون التمرمرية "علي وزن مره" بس ارجو الرد بايجاز لانوا زمن البرنامج قرب اخلص خخخخخخخخخخخ ياناس وين الهبيكه اين تقع الهبيكه ؟؟؟؟؟؟؟؟؟؟؟؟؟؟؟؟؟؟؟؟ الزول شكلوا بقي مهم مافاضي يخش 5 دقايق اصلوا منتدي 25 منتدي العطاله اذا كتر الفراغ وكترت القروش خش منتي 25 لكي تجد صيجان كبيره من الطعميه خخخخخخخخخخخخخخخخخخخخخخخخخخخخخخخخخخخخ

راحة بال السبت أغسطس 01, 2009 4:17 pm

[center]بسم الله الرحمن الرحيم
نفسي اعرف كوكو دي من ياتو نوع من الخفس
هل هي من النوع الضار؟
ولا هي من النوع الحامض؟
ولا هي من النوع ....................... ؟ والكلام ليك يا المنطط عينيك
عموما مهما كانت هي
صناديد 25 وعتاولتها قادرين علي التعامل معها وعلي من هم علي شاكلتها
ولا ما كدي يا اللي بالي بالك
واللمبي زاتو
بالمناسبة يا حمودي قناة الطعمية الزمااان ديك اتشفرت ولا لسه فري
حبيبي عسلاية المرمور الكبير مالك قاطع موية ونور
مع العلم انو سانتو في بنقلور يا مرمور
وعلي طه بقي انصار سنة
ويا بخت ناس طارق بهزا الفتي الفعال
ودمتم اعزتي..................

راحة بال السبت أغسطس 01, 2009 10:27 pm

والله العظيم طولنا من جدعاتك يا حموودي
وعلي طريقة المنقاله جدااااااااااااع
صاحبنا الجزار قالو كسر تلج لي ناس المطار
وبدا يحنس فيهم
عشان يقبلو منو الباسطة ويدوهو البسبوسة
اقصد عفش الحاجة والشنط عشان شايلة تقيل
واخونا مشحوط منتظر وطالت وقفة الانتظار
وسواق الليموزين قاعد ينقنق
ويندب حظو العاثر
لاكن لمن يتزكر الكنجالات اقصد الريالات ولا الدراهم يتصبر شوية
بعد شد وجزب
افرج القائمين علي الامر من ناس المطار
عن الكنز الثمين او السمين
وصاحبنا الجزار نسي الباسطة وبقي يبحلق في الشنط المردمة وما يقبع في داخلها
مما لا عين رأت ولا ازن سمعت
وعيناهو تجولان متل مروحة الطربيزه
واغرورقت عيناهو وفاضت بالدمع السخين
للعود الاحمد
وقابل الحاجة بكل الاشواق
ولسان حالو يقول
الشوق جننا ونكش شعرنا
بس في سؤال مهم لي الخفساية كوكو
هي جاية من الحج ولا دي عمرة بي ضم العين
ولا عمرة بفتحها
عموما
نقول لي اخونا الجزار
الف حمد لله علي السلامة
واكرب بطنك وجهز الخرفان
وانا علي الطلاق لو ما ظروف العرس
كان جبت ليك جمل عديل ما خساره فيك

koko الأحد أغسطس 02, 2009 12:01 am

ياحمودي ياقشطه
انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ خليها لي بكره
حلوه دي احب ناس ماما ماما ياماما عمره ياعمري انا قلته الحج؟؟؟؟؟؟؟؟؟؟؟؟؟؟؟؟؟؟؟؟؟؟؟
وياخال الجزار هو الجزار مش بتاع الزرار يعني ضباح مش
ياخال يعني بضبح خروف الضحية مش ولا بس في الجزارة يعني هو جزار حا يكون مستني خروفك ؟؟؟؟؟؟؟؟؟؟؟؟؟؟؟؟؟؟؟ ضنابه وباسم بكون شبع عشان كدي ياخال رايك شنو بي رحله يوم السبت نضبح فيها خروفك ده ولا احتمال تكون حفله يوم الجمعة الساعة 5 احتمال مالوا نعمل شيرنق (sharing زي ماقال الخواجه بس قال 18$ ولا سعر العمله زاد ولا اقول شي قدر المستطاع هههههههههههههه
بهظر معاك؟؟؟؟؟؟؟؟؟؟؟؟ خخخخخخخخخخ قويه خخخخ قويه خخخخخخخخخخخ قويه؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فتكم بعافيه ؟؟؟؟؟؟؟؟؟؟؟؟ عافيه حسن خخخخ قويه خخخخخخ قويه خخخخخخخخخخ قويه خخخخخخخخخ قويه

باسطه الأحد أغسطس 02, 2009 12:23 pm

في البداية حمد الله على سلامة حبيبنا الخال ( أكبر مخستك ) ومنور المنتدى وألف ألف مبروك وربنا يتم على خير وعقبال كل العزابة ( خالو قالوا مخو جاي الخرطوم تاني أعرف لي دي لشنو!! )

حمودي حبيبنا الله يسلمك ومتلومين معاك تب لكن أعفي لينا والله السفرة بتاعتي دي جات على السريع الواحد مافهم فيها اي شئ ولا لاقيت اي زول

أما بالنسبة لكوكو طعمتك بكسر التاء ولا أقول ليكم طعمتك بفتح التاء المفروض إني عرفتك إنته منو ( قلته لي رحلة يوم السبت ولا حفلة الجمعة الساعة 5 ومالكم ماوريتونا بدري عشان نلحق نمشي الكوفير ههههههههههه والعهدة على الراوي) وشيرنق كمان ماكان تبقى تجي زي الرجال الجو ولا أقول ليك إسم كوكو لايق عليك أكتر هههههههههههههههههه

أي زول عايز يعرف كوكو منو يعمل لي مسكول Rolling Eyes

( عاملين قالو للخال رحلة بعد شهر العسل من هسي بنوريك عشان مانتلوم معاك وعافنك من الشيرنق البطفش الناس ده اهااا قصرنا معاكي هيي قصدي معاك )

راحة بال الإثنين أغسطس 03, 2009 12:45 pm

الاخ الرائع بطعم الباسطة والبسبوسة وكل الحاجات الحلوة
الطعمية والنواشف دي خليها لي الغلابة
والكادحين
امثال حموودي
ويا الماشي لي باريس..........
انت زول حنفولي
وجيبك تريان بالكنجالات والدراهم والريالات
مالك ومال الطعمية
خليك في الهوت دوق والبيرقر
وكان نفسك في لحمة طازة علي وزن حليب طازة
عليك بالاخ الجزار
فما زالت سكينو حمراء
من كترت الخرفان الضبحهن بي مناسبة العود الاحمد
وقالو اسي الخرفان من يسمعن سيرتو ساي يطقن السكلي والعويل والنواح
ودمتم أعزتي.............

منقولي الثلاثاء أغسطس 04, 2009 7:56 am

قولو وااااااااااااااااااااحد...

راحة بال الثلاثاء أغسطس 04, 2009 9:17 am

يا منقوووولي والله ليك وحشة شديده جدا جدا
شنو ياخ انا قلت الراجل (المتمنقل ).......ده جاب لي جدعة منقاله المكان وليس الصفة جداااااااااااااااااعة
اتاريك مساهمتك بقت( قصيرة) مع العلم انك اي حاجة قصيرة ما بتنفع معاك
ويا منقولي اديك سر في اضانك
قرب تعال ما تبتعد
انا يومي بالليل جاي بي شارع بيتكم
لمن لساتك عربيتي حفن
والدرب مرات بجيبك وانت ما قاعد تجينا
مره شفناك وانت ماري زي نداوة خاطرة فينا
غايتو لو داير تعرس
اكرب بطنك وشد الحزام
واوعك من القصار والقصيرات
ما بتلقي ليهن توب توتل كامل الا ربط والربط حرير وغالي جدا
ودمتم أعزتي.........

koko الثلاثاء أغسطس 04, 2009 11:39 pm

مافي حتي طعمية واحده بيها ننصبر شوية والوعد بيناتا انك كل يوم تديي طعميه ................... ياخال شكلوا طعميه العيد لها شكل خاص يعني بمعني حلاوه العيد او باسطة العيد............. اخبار النسوان شنو ........... منقولي قلنا يدينوا مورمات من عد القروش ...........عشان كده بكتب كلمتين بس عشان يعود نفسوا علي الكتابة بالمناسبة دي اخبار حثام شنو بمناسبه القصر ياخال ولا يا خل ولا ماصاح الكلام ده لانوا الخل بخلي الزول ياكل كتير والخال يحلي الطعمية بفتح الطاء او بكسر الطاء المهم طعميه بي خل اه رايكم شنو ...... رايكم شنو لكل زول يلقي طعميه يومي رايكم شنو ................. س: سوال ياخال الطعميه ب الفتحه او بالضمه معناتا شنو حولتك لي حمودي الخبير في اللغه العربيه جامعة القصارف ؟؟؟؟؟؟؟؟؟ارجو الرد بس بايجاز وبمعاني مفهومه خالية من الدسم عشان الناس تفهم بس يعني علي حسب العقول ؟؟؟؟؟؟؟؟؟؟؟؟؟؟

راحة بال الأربعاء أغسطس 05, 2009 9:51 am

والله العظيم كوكو دي حيرتنا واحتار دليلنا
ما عرفناها بتحب الطعمية ولا الباسطة ولا البسبوسه
ولا امكن بتحب اللحوم
دي حرم وعلي الطلاق عندنا
قندهار وفيها جميع انواع اللحوم
وجميع انواع الكبد
من كبدة الجمل وانت نازل.........
ويلا داير لي واحد شااااطر يعرف لي بعض العلاقات
_ الجزار واللحمة والباسطة....
_ كوكو والسفسفه والطعمية....
_ السمسم والبسبوسه والرجلة....

MOHAMEDALI الأربعاء أغسطس 05, 2009 2:05 pm

سلامات يا متمرمرين والمنتدى بقى كلو نسوان
الحصال شنو
الظاهر انو زيت الطعمية سخن
والناس بقت ما بتتحمل اي حاجة
والخال قلب على الجماعة
والزيت شلوط الجماعة
انت وينك يا راجل ياعجوز
مالك شايل زيتك مسخن كده
روق المنقة وماتكتر المخلبية
المخلبية بإزالة النقطة من الخاء
انتو يا جماعة كو كو انا ما عرفتو
هو نحن عندنا زول سافر الامارات ونحن ما عارفين
في ختام سلام كتير لي اخوانا المتمرمرين
مخلصكم هبيكة

راحة بال الخميس أغسطس 06, 2009 11:21 am

ده الهبيكة معقولة بس
والله ليك كمية من الاشواق بقدر مياه الامطار القاعده تغرقكم
هي الهبيكه دي ياها الجنب اللعوته
ولا انا غلطان يا حمووودي
لاكن عجبتي الشلوته من شلوتت الزيت حق الطعمية
او بمعني اصح تشتني
في اصبعي
عشان كده بكتب بي الشمال وخطي ما واضح
وزمان قالو الاسد لو عجز
بقوم القرد ..................
والقرد في عين امو مصطفي قمر هههههههههههههههه
وكل قرد يلطع مدرجو
والمدرج مقفول لي الاحوال الجوية
ولنا عوده
ودمتم أعزتي.............

منقولي الأحد أغسطس 09, 2009 8:23 am

احححمم
....
البدايه دي ذكرتني قصه سغيرونه كده
عندنا خالنا في شندي وعندو ولد اطرش
خالنا كان مستمخ استمخاخ شديد وهو يقوم بالتخلص من "الزوائد الغذائيه"
عندنا في شندي اماكن التخلص من الزوائد الغذائيه عباره عن حفر عميقه وبها اماكن محدده مسبقا لوضع القدمين
تسمي "ادبخانه"
انا ماعارف زاتي الكلمه دي جابوها من وين؟؟احتمال من جبخانه؟؟؟وارد غايتو
وبعض الناس بقولو عليها "المستراح" من الراحه طبعا..
وبعضهم يطلق عليها"بيت الادب" وانا زاتي ماعرف الجاب الادب هنا شنو؟؟
والبحاول يعمل فيها راقي بقول ليك انا ماشي ال"دبليوسي" وهي طبعا جايه من WC من Water cycle يعني "دوره المياه"
مع انو هو الحفره دي لافيها دوره مويه ولادوره ممتاز....بس الناس عاوزه تتفلسف
نرجع لي خالنا
وهو مستمخ...
قام سمع صوت ولدو"الاطرش" وهو جاي لانجاز مهمه محدده..
فاحتار يعمل شنو؟؟
اححححم دي مابتحلو!!!الولد مااطرش عاد
قام خالنا كشف المكان سريع ولقي في ابريقين"الابريق هي اداه لمسح الكتابه" علي قول عادل امام.
واحد ملان والتاني فاضي..
فانتظر لحدي ماولدو قرب علي القصه...
قام فك الابريق في وشو...
صاحبنا قام فهم القصه ورجع...
.....
الشاهد انو البوست دا تفوح منه رائحه المكان الكان مستمخ فيهو خااالي داااك.
شئ طعميه..
وشئ زيت مسخن...
وشئ جزارات..
وبي هناك تلقي باسطه
وبقينا مافهمين القصه...
لكن انا من عاينت لاسماء الناس الكاتبين في البوست عرفت الحاصل
..
أولا :الخال:
رجل ذو "باع" واسع في امور خلاصه الكبكبيك ...قاد الناس بمهاره يحسد عليها في اشعال الحرب البارده بين الشرق والوسط..
ياخال انا عرفت الهديه كانت شنو؟
فتيل ريحه اسمو leader
ومعاهو كتاب مترجم من اللغه الاسبانيه يحمل اسم"اقفل بالمزلاج علي كل تكاليف الزواج"
وهو كتاب يشجع قارئه علي التفكير بعمق في سبل "عصر" و"مباصره" الحاجات لان من ضمنه شابتر يحمل عنوان"كان طرتا السما نحنا وراك وراك"
واخر يحمل عنوان"دقست ياحبيبي" وماشاكلها من انواع السكاشن....جمع سكشن.

ثانيا:الجميعابي
بطه لطيفه تعرف كيفيه تربيط الكلام وتانيقه ليخرج بصوره تفوح منها الرائحه "الاستمخاخيه"
صديقي هذا يتابع بكثر برنامج الرابط العجيب "العلاقه بين فنيله الصوف والسحابه":السحابه بجيب المطر والمطر بقوم العشب والعشب بياكلو الخروف والخروف......
حبيبي والوجه الاخر لعملتي؟؟
لا ادري من اين اتت حركاتي الخور؟؟؟
ولاادري من اين اتيت بنسبي لتصلني بالشوايقه؟؟
قريبا ساصدر بيوستا يحمل عنوان:"اكياس الجيلاني لتجميع وساخه فلان الفلاني"
وقول لي جان كلود:الناس الجوك ديل دايرين معاك موضوع...وكان مادايرن موضوع بيكونو دايرين مرفوع وكان ماعرف المرفوع شنو خلي يسأل "اسامه عكاشه"
قال بسيوني قال
انعل ابو الميناء البري والوافر اكسبريس زاتووو
وتاني من بصات القضارف في جمال الدين وشنو ياحمودي؟؟؟؟؟؟

ثالثه الاثافي:هبيكه
من اين اتيت بهذا المصطلحات ثكلتك امك
زيت سخن وغنمايه فستانا انشرط وضب وقع من الحيطه وماادراك؟؟؟
هو الضب وقع من الحيطه لشنو ياحمودي؟؟؟
ياهبيكه انت بتقرا جريده حكايات كتير شكلك
الجاب المخلبييه للمحلبيه شنو؟؟
خلااااااااااااااااااص قاي نفسك اتجدعت يعني
في ناس يس عاوزه تكتب اي حاجه الغرض المشلركه بس
حلوه المشاركه دي
حمودي بالله ادينا قصيده المشاركه لمؤلفها الحاج مشارك
انا موش قلت ليكم انو الموضوع دا عندو علاقه "بالاستمخاخ"

رابعا:كوكو:
حاجه تطرش
وتخلي الزول يشرب شامبيون بالابندول...
كلام غير موزون وسؤال عن حاجات ماعندها علاقه بالمجموعه الشمسيه ولابنلقاها في شوق الهنود الفي كسلا.
دي شنو الوساخه والعفانه دي ياكوكو
يخسييييييييييييييييييييي
تف عليك
بالطريقه دي انا بوديك "القسم"

منقله اخيرا:

قولو اتنيييييين....

MOHAMEDALI الأحد أغسطس 09, 2009 3:35 pm

الله ينصركم يا الناصراب
اصلوا قالوا القبيلتو ما فيها آآآآآآآآآآب
على وزن الناصراب و الهلالاب والمريخاب
والرباطاب والشوايقاب و
الحكومة دي زاتو ما بتعاين ليهو
يعني يا منقولي نبقى هبيكاب
على وزن ملاح ويكاب
يعني نتلايق في الحكومة دي ولاشنو
ولا نبقى كيزان يابطانية
اصلوا الكيزان زاتم الحكومة ما شقالة بيهم
يعني نبقى كيزان ولا نبقى جكاكة ولا كبابي
والله إلا نبقى علب ساكت ولاشنو يا الخال
ولا اقول ليكم احسن نزرع قطنا ونمشي على الحيط
ولاشنو يا احمد طيب
هو الزراعة دي زاته الحكومة ما مخلياها
ولا الواد يقوم يبيع ليهو بقره بقرتين من بقر ابهو
ويحضر الماجستير
ولا شنو يا محمد بابكر
والله الواحد يمشي السوق ويشتقل طباعة برضو ما جايبة حقها
ولا شنو يا حثام
ولا الواحد يقعد يباري المعاهد زي اخونا عسلاية ,
ولا اقوليكم
احسن اسكت

koko الإثنين أغسطس 17, 2009 12:06 pm

سلام شباب ........................ اعزرونا من التاخير لانوا فريق العمل كله متجه لاخراج عده فايروسات من المنتدي وانواع عجيبة وغريبه واتفق المبرمجون علي ان هذه الفيروسات لايمكن ازالتها لانها صديقة للبئه بس الضرر شبه متوسط ولكي تحذروا هذه الفيروسات لابد ان تعرفوها وانا بوصي الناس الطيبين يحاولوا التعامل معها علي سبيل المثال (فايرس هبيكه هذا من الوزن التقيل اذا خشه علي المنتدي دمره وشرد الناس وادارة المنتدي تحذر من هذا الفايرس ) والنوع التاني المنقولي وهي فايرس غير مضمون احتمال في بعض الاوقات يكون مفيد وبعض الاوقات مضر لكن الضرر اقل شده من الفايرس السابق ) . وقد قاموا باصدار قوانين ضد هذه الفايروسات من ضمنها اولا في حالة دخول هذه الفايروسات الي المنتدي الرجاء الدخول مباشرة والرد بسرعة حتي لايتمكن الفايرس من المنتدي ولقد قامت ادارة المنتدي بمعالجه هذا الموضوع لمده العشره ايام الماضيه ونشكر الادارة علي هذا الجهد المبزول وهناك فايرس خطييييييييير جدا الداير يعرف اعمل لي مسكول في تلفوني انا بضرب بوريهوا خخخخخ علي قول الحاج متذكر (اخي اجيب ليك عجين تلخي)
وبمناسبة رمضان البعمل لي مسكول في تلفوني عشان اوريهوا بنزل ليهوا رصيد مجاني 5 جنيه خخخ قويه خخخ قويه خخخخخ قويه والناس الزي ديك المسلميه بصلتوا في النار وهو يعوعي..........................................................................................................................................

عوده كوكو من الامارات

عوده كوكو من الامارات

كوكو البايرة

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات

رد: عوده كوكو من الامارات