منتدى الدفعة 25
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ازيكم قلنا نغشى سلة المهملات نشوف الحاصل شنو

اذهب الى الأسفل

ازيكم قلنا نغشى سلة المهملات نشوف الحاصل شنو Empty ازيكم قلنا نغشى سلة المهملات نشوف الحاصل شنو

مُساهمة  محمد الجميعابي الأربعاء أكتوبر 01, 2008 2:37 pm

سلامات حبايبنا والبركة في الشوفة وطبعا في ناس اكيد عملنا ليهم ارسال الى سلة المهملات طبعا عارفنهم منو هههههههههه
انتو عارفين انا من شدة ما نسيت ناس من 25 وزمان ارسلتهم الى سلة المهملات بكون قعدو فيها وخمرو عدييل ناس هناي و هناي و ناس هناية و ياحليل هناية زمان كانت بتقول حمودي "قاصداني انا" خطبني داير اعرسني وناس هناية حمودي كان بحبني وبموت فيني و ناس هناية دايرة "........ اسالو احمد الطيب" ولكن دايرين نكون من السبعة الربنا بظلهم بظل العرش يوم لاظل الا ظله و لا شنو يا حاجة ... وناس هناية و ياحليل هناية قالت حمودي بحبني و انا بحبها بس خايفة مني وانا عامل نقيل و مفتري وناس هناية من اول يوم جيت الجامعة و لحدي ما اتخارج من الدنيا على قولها ما بتنساني لكن حرم وعلى الطلاق اول ما اتخرجت نسيان حدو الخرف عدييل قال ما بتنساني قال ... و ناس هناية حب المصالح و الشرح و اسالو منقولي وكمان يا ابكوع وهاك و يابعدك ودي لحسه كوع "كناية عن الاستحالة" وناس هناية ناس الاشاعات و ناس فلان بحب فلانة و فلان مابقدر اعيش من غير فلانة و ناس افتحي الاسبيكر وهناي يكلم هناية و الطعمية تدور و ماعارفين انو هناي برضو فاتح الاسبيكر لهناية .. ويا حليل ناس هناية حب الحبيب و اقرب طريق ومسارات و اشكال بيانية عديل يحبوك عشان يصلو لصاحبك و يفكوك عكس الهواء و المشكلة انو صاحبك يقطعو معاك ودي كتيرة من ناس هناية الله يضرها في القبل الاربعة .. وياحليل ناس هناية وكنا برالمة و بتشاغل و بتشاغل و نحن صغيرين ما بنعرفش حاجة يا بيه و الدليل الولو ... ولمن الولو قال يعمل شفت وقطعوهو معاهو وعملو فيها الشريف الرضي ... وغايتو .. ويا حليل ناس هناية و يعجبك الحنك اشرح لي و اللذي منو و يحبوك و المشكلة مافي كده .. المشكلة في انك انت الجريت وراها و حبيتها ومت فيها ودايرة وهي نظام ماشغالة بيك لكن هناية ماعارفة انو هناية بارك الله فيها بجيب الخبارات و الشمارات عشان تجي بكرة الصباح تقطعو معاها و تفطر بيها قبل ما تتعشى بيك "و الغداء اوف طبعا لانو لمن كنا طلبة مامتذكر اتغدينا متين و هي وجبتين فطور عشاء " ... وياحليل هناية انيس السمر و كشاف الكرب و الفلس الكلس اب تلاتة حرم هناية منقذ الجوعى من ناس هناي 25 ... و ياحليل ناس هناية ما بظهرو الا اخر السمستر و خلاص الامتحانات قربت يحبوك حبا جما اول ما تنتهي الامتحانات .................... قد الله لاعادك مامنك نكهة ...
وناس هناية ناس الامتحانات و التمارين و شكيتهم على الله و شديتهم في الصالحين بركة النبي غير الكفاوي ماجابن شي .. اسي لو واحد من ناس هناي اتبرع بنفسه و ضحى بحياتو و حب ليهو وحدة من ناس هناية ديل ماكان حصل ده كلو و بعد ده كلو كمان بتبكي و اسالو باسطة و لا شنو يا هناية ...
وناس هناية والله بيسألني و الله يجازي اللي كان السبب في دخولي لجنة التخريج بتاعت الدفعة 24 سبب البلاوي مع ناس هناية و هناية و هناية و هناية ... اخير اسكت .. و بعد التخريج ناس هناية دايرين يجيبو لي فضيحة و برضو اخير اسكت اخير اسكت ..
وزي ما قلت نفتش في سلة المهملات قبل ما نعمل حذف لسلة المهملات و خلونا في الجايي احسن و يايوم بكرة ما تسرع تخفف لي نار وجدي
محمد الجميعابي
محمد الجميعابي
الرتبة الذهبية
الرتبة الذهبية

عدد الرسائل : 300
العنوان : الكاملين مربع 5 حي المعمورة
تاريخ التسجيل : 01/07/2007

http://www.adobe.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى