اضحكوا شويه ياشباب

نكت مساطيل

مسطول سياسى بخطب فى جماعة

قال ليهم انتو عارفين كنا منتظرين الزمن يغير الحيكومة.................

قامت الحكومة غيرت الزمن ...........

XXXXX
مسطول قال لي زميلو : امبارح اليوم كلو بالي مشغول . رد عليهو زميلو : يمكن
في زول رافع السماعة

مسطول سطلة شديدة سمع المعلق بقول فاول لصالح رونالدو .... قال أول مرة
أعرف إنو رونالدو عندو ولد اسمو صالح ....


مسطول مشى الحج قالو ليهو قوم طوف وأسعى.. قاليهم إنتو مش قلتو كل شي على البعثة ...

مسطول سألوه ما هو أصعب موقف واجهته في حياتك ؟ قال : موقف الحاج يوسف

مسطول بصلي العصر واحد إتصل عليهو في جوالو قال ليهو إنت وين؟
المسطول قال ليهو أنا في التشهد

مسطول في المدرسة سمع الاستاز بقول : المثابرة تولّد النجاح . قال لي زميلو
متين هي المثابرة دي بقت دايه

مسطول خطيبته قالت ليه أنا أهم حاجة عندي الإخلاص . قال ليها : وانا الحمدو

مسطول سألوه عن العلاقة بين الشهد والشهيد ؟ قال : الإتنين بيتلحسو

مسطول جا ماري قريب من أولاد بلعبوا كورة حاول يشوت ليهم الكورة جلّت منه
قال : والله شوتتنا بقت ذي الكبريتة اللينه قدر ما تكرشها ما تولع .

مسطول قالو ليه أكتب لينا موضوع إنشاء من 10 صفحات . كتب في الصفحة الأولى ركب الرجل الحصان وفي الصفحة الأخيرة نزل الرجل من الحصان وبين الصفحات كتب : كبجك كبجك كبجك كبجك كبجك

مسطول وزنه زاد ... مشى للدكتور ... الدكتور نصحه يمشي كل يوم3 كيلو ..
بعد إسبوع ضرب للدكتور قاليهو : انا في الحصاحيصا أواصل ولا أرجع
XXXXX

مسطول بيفتح في التلاجة ويقفل سالوه مالك قال ليهم داير أشوف النور ده بيجي من وين

XXXXX

مسطول اتفق مع إبليس يخشو صرفة ، آخر الشهر أخد الصرفة الأولى وقال بسسسسم الله
XXXXX

* عروس رباطابية والعريس, الزول مامصدق نفسه
كل شوية يميل على العروس في الكوشة ويقول ليها:
والله يا ....ما تتصوري فرحتي قدر شنو, يا .......انا ما مصدق اننا اخيرا اتزوجنا
يا ...... انا مستني اليوم ده لي سنيين, يا .... ما تتخيلي انا بحبك قدر شنو
البت عاينت ليه (نظرة ذات مغزي) وقالت: والقال ليك انا باكرهك منو؟؟؟
XXXXX

قالو مسطول مشي الحج،، الناس طايفين و هو طايف عكس الناس،، سألوهو يا زول مالك طايف عكس الناس؟ قال ليهم عندي طوفة زايدة داير أمسحا،،

XXXXX

اتنين مساطيل بسطلوا فى البحر ويجوا يدخلوا دار الرياضة ...
يوم اسطلوا وماشين لدار الرياضة، جوا بالشارع الورا قدام الدايات
لقوا يافطة مكتوب فيها الوقاية ضد الإيدز الاول قال للتانى : ناس اتحاد الكورة ديل عاوزين يجننونا مالهم .......كل يوم جايبين لينا فريقين جداد


XXXXX

جماعة مساطيل...قاعدين في بيتهم...دايرين يولعوا سجاره عاديه...لقوا الكبريت خلص...رسلوا واحد للدكان يجيب كبريت
داك مشي الدكان وجا راجع ساكت بدون الولعه
قال ليهم الدكان قفل لكن لقيت ست شاي مولعه المنقد...طيب ما كان تولع..؟؟؟ ارجع ليها
صاحبنا رجع..وجا تاني بدون ولعه..مالك؟؟
قال لقي ست الشاي قفلت...لكن لقي واحد في الشارع مولع سيجاره..!!!!؟ ارجع ليهو..؟؟
قالوا ليهو: لأ.. انت ما نافع...خلاص أطفي الشمعه دي معاك خلينا ننوم
XXXXX

مسطول مرته ماتت قالو ليه نديك أختها
قال يا جماعة نسابتي ديل شركة تامين ولا شنو؟
XXXXX

قال ليك في 2 مساطيل راكبين عربية واحد سايق والتاني قاعد بجنبه
الاول= اعمل حسابك في شجرة قدامك
التاني=شايفه
الاول=الشجرة
التاني=شايفة
الاول=الشجرة قولت ليك
التاني=ياخى ما قولت ليك شايفه
و طاخخخ صدموا الشجرة
البوليس جا لقه الكان بقول الشجرة هو الكان سايق العربية والتاني كان قاعد جنبه
XXXXX

قالوا ايام حظر التجول فى
واحد مسطول طلع جنب البيت وقعد فى العتبة
ولف ليه سيجارة كاربة وقعد
بعد شوية عربية الدورية جات حايمة
شافو الراجل قاعد مستكين
قام الضابط ساله
انت ياشاب قاعد تتحاوم مالك ماعارف فى حظر تجول
المسطول عاين للضابط وقال ليه
هسى القاعد يتحاوم منو

XXXXX
واحد كل يوم بالليل يولع سجارته الخضرا في البيت ،والمرة مستغربة الراجل دا سيجارتو مالها غريبة كدة
اها يوم الراجل ولع السيجارة كده الباب دق مشى يفتح الباب ... المرة شفطت ليك السيجارة كلها
ومشت ترضع الشافع ... قامت مسكتوا بالقلبة وترضع فيهو
الراجل رجع يا ولية السيجارة الكانت هنا وينا ؟
انت ياراجل خليك من السيجارة ... كدي تعال شوف الولد دا يقى كبير كيف .....

XXXXX
في شلة كل يوم يتسطلو مع بعض ويحكو نكت لقو نفسهم بيكرروا النكت زاتها
قاموا عملوا ارقام للنكت وبقوا يقعدوا يقولو رقم النكتة ويضحكوا
يوم واحد جاب معاهو ضيف. الضيف لقى الجماعة شغالين
نمرة 1
نمرة 18
نمرة 35

الضيف قام طوال خاشي في الونسة وقال 955 الجماعة كلهم ضحكو ضحك مبالغ فيهو
الضيف استغرب وقاليهم اشمعنى الرقم بتاعي ضحكم شديد كدة
واحد من الجماعة قاليهو دي جديدة اول مرة نسمعا

XXXXX
مسطول
باب بيته دق
كورك: منو ؟
رد عليه الضيف: انا حفيدك
اها قال ليه حتفيدني بي شنو؟؟؟

XXXXX

واحد مسطول سايق عربية قام واحد من اللساتك نزل في شارع سريع
جو الناس اتلمو فيه دايرين يتكلمو كده صاحبنا المسطول قال ليهم
هسسسسسسسسسسسسسس ولا كلمة اللستك نايم

XXXXX

ابا جهل و ابا لهب .. بالماسنجر في الجاهلية .. !!

ابا جهل مرحباً يا ابا لهب ......

ابا لهب : عمت مساءا يا ابا جهل .. كيفنك هذا المساء

ابا جهل : اين انت يا ابالهب لا اراك في 'شات عكرمــة' هذه الايام

ابا لهب : انا لم ابرح خيمتي منذ ايام يا صاح ..

****************************

ابا جهل : ولماذا ...

ابا لهب : تبا لكمبيوتري دخله فيروس من النوع الحبشي وضرب اللوحة الام مع اني وضعت .. اله مقاوم للفيرسات الحبشية .. ولكن تبا لهم ... فقمت بتغيرها من عند وكالة (( مسيلمة الكذاب )) ...
ابا جهل : لو اعلمتني لكنت قد اتيت معك لانني اعرفة من رجال حارتنا ...


ابا لهب : ولكن قل لي .. هل سأل علي أحد في ' دار عكاظ كوفي نت '

ابا جهل : ثكلتك امك ...ان لك شعبيه كبيره يا ابا لهب . ..سألت عنك هديل بلسانها الطويل .. وجدناها اتت ببعيرها وتقول بانها قلقه عليك لانك لم تفتح 'الماسنجر ' منذ جمعتين ..( اسبوعين )
****************************

ابا لهب : هديل ام لسان طويل تلك الفتاه الشمطاء ..تباً لها ..انني اكرهها .. دائما ما تضع لي ' اقنــــــور ' كانها تلعب معي الحقني ( طيري ) ..
قل لهم سأكون ' اون لاين '..بعد ما انتهي من الورشة لان بها فرسي واعمل لها ' التشييك .. ووغيار الزيوت ..

ابا جهل : حسناً حسناً يا صديقي .. استاذنك لاني
سأذهب لأرد على بعض المواضيع في القروب

ابا لهب : وانا كذالك سوف اقرأ مواضيع
ابا جهل: شااااو يا ابا لهب

XXXXX

قال ليك مدرس كيمياء مرتو وضعت وجابت ولد سماه سامي أكسيدالكربون
قال ليك واحد يبيع لبن مرتو وضعت وجابت ولد من غير وش بعد إسبوع قطع
قال ليك واح أصلع الرأس مرتو وضعت وجابت ولد سماه شــــــــــــــــعراوي

XXXXX
شايقي بخيل حبي يضرب باب بيتهم بهيه ضرب ضلفة وكتب علي التانيه نفس اللون..
امام شايقي في الركعه الاخيرة سمع واحد جاي يحصل الركعة سلم واقف..
تلاته شوايقه بخلا مشو البحر واحد قالهم نغطس البيطلع قبل رفاقتو يغدينا كلنا
التلاته ماتو..
شايقى ضبح خروف عمل اللحمه شيه والراس شوربه والرجلين كوارع والجلد للصلاه ومخلفات المعده سماد للشجره والعظم طحنه علف للدواجن .....حتى كلمه بأأأأأأع عمله نغمه للموبايل ..
بتاع فرن شايقي ! جاهو شحاد
قال ليهو والله لي تلاتة يوم ما ضقت طعم العيش
الشايقي قال ليهو ياهو ذاااااااااااااااااتو ما اتغير ..
شايقي راكب حمار شاف بت رباطابية حلوة شديد قال ليها: أول مرة اشوف رباطابية حلوه كده.. قالت ليهو: اول مرة اشوف حمار طابقين..
شايقي مشى يسجل ولده في المدرسة قالوا ليهو: المدرسة بي خمسمائة ألف والبص بي تلاتين ألف!!
قال ليهم: خلاص سجلوه لي في البص!!
شوايقة دخلوا مطعم راقي يتعشوا.. ومع الاكل فرقة تيراب شغالين في المسرح يغنوا ( قروشي.. شي.. شي) الجماعة بلدياتنا استغربوا جداً في أغنية قروشي واحد منهم قال: يا العوض قوم حاسب حق العشاء.. الاولاد ديل قاصدننا عديييل كده!!
شايقي فاتح بقالة جاهو واحد قال ليهو: اديني جبنة بي مية جنيه!! قال ليهو بي مية دي إلا كان اوزنها ليك بي ام شبتو!! (شبشه)
شايقي كتب في وصيتو ادفنونى جنب الجعلي لمن سالوه لي قلت كدي ليه قال عشان يوم القيامه الجعلي بقول حرم الحساب علي.
XXXXX
قالوليك واحد عندو فهم في راسو انو اي زول عندو صلعه معناها عبقري الصلع دي مجنيناهو عديل كده
يوم لاقا ليه واحد ماشي عندو صلعه
الفضول كتلو قال ليه: الاخ الكريم شغال شنو؟
قال ليه: بروفسير في الجامعه قال ليه ما شاء الله
تاني يوم
لاقاهو واحد تاني عندو صلعه برضو سالو
الاخ الكريم شغال شنو ؟
قال ليه: دكتور قال ليه ما شاء الله.
تالت يوم لاقاهو واحد تالت برضو سالو ؟
قال ليه مهندس قال ليه:
ما شاء الله ومشي
يوم راكب في الحافله
القدامو عندو صلعه
الشمار كتلو لفتو قال ليه الاخ الكريم شغال شنو؟
قال ليه طلبه (بضم الميم)
قال ليه: دي حسه دايره ليها صلعه...

XXXXX
تزوج جنوبية للسلام
ودنقلاوية للطعام
وغرابية للنظام
ورباطبية للكلام
وجعلية للضيوف
ومحسية عمل معروف
وشايقية براك تشوف

XXXX