شكرا حزيناوالف الف مبروك يالدينه..............؟؟؟؟؟

اذهب الى الأسفل

شكرا حزيناوالف الف مبروك يالدينه..............؟؟؟؟؟

مُساهمة  منقولي في السبت ديسمبر 08, 2007 11:06 am

الف الف مبروك لي بت دفعتنا لدينه بمناسبه زواجها الميمون امس الجمعه
ونحن اذ نهنئ لدينه اليوم نواسي انفسنا ايضا علي الذي حصل
بعد التبريكات والتهاني الممزوجات بالدعوات الصالحات يالدينه اريد ان اقول
كنا نود ان نشارككم الفرحه كما هي عادتتنا دائما مع كل بنات دفعتنا ان (استطعنا) ولكن ابت
ايديكم ان تضغط علي ازرار هاتفكم وتجري اتصالا اقوم بالرد عليه لكي اسعد بدعوتكم
حقيقه القصه اكثر من غريبه؟؟؟؟ Shocked
امبارح زي الساعه 9 مساء اتصل علي عبدالناصر الخال وقال لي عرس لدينه الليله اركب اي حاجه وتعال حصل
الزفه واسي هنا في ميرفت وفي هند ادم وفي اسماء عبدالرحمن وتهاني جايه في الشارع يعني لمه كانت حتكون جميله من زميلات لنا اكثر من 9 شهور لم نحظي بملاقاتهم ......في البدايه زعلتا قلت معقول يكلمو عبد الناصر ومايدونا خبر
لكن جيت عرفت انو الخال زاتو عرف الموضوع بالصدفه لانو هو زاتو كان ماشي لي مناسبه تانيه قريبه من المكان الفيو عرس لدينه...... Evil or Very Mad
حقيقه اهنئ لدينه مره اخري ولكنني اتاسف ان تبدا الروابط في التفكك منذ الان وماداير يحصل زي ماقال محمد تاج انو الناس شويه شويه الواحد يلاقيك في الشارع يزوغ منك ويعمل فيها ماعارفك وحسبي الله ونعم الوكيل

حاجه اخيره:
يارقيه وياوصال قالو عرسكم في العيد.....ادونا خبر وماتبقو زي لدينه وتخلونا نقطعو مع المناقل كلها وخير يازول انا جيتكم النشوف جيتكم كيفنها؟؟؟؟؟؟؟؟؟؟؟؟؟؟؟؟؟
avatar
منقولي
الرتبة الذهبية
الرتبة الذهبية

عدد الرسائل : 241
العمر : 33
العنوان : الخرطوم-الكلاكله ابوادم-م5-منزل 81
تاريخ التسجيل : 26/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شكرا حزيناوالف الف مبروك يالدينه..............؟؟؟؟؟

مُساهمة  باسطه في السبت ديسمبر 08, 2007 11:56 am


مبروك..مبروك..مبروك

مبروك ريحة دعاش فى خريــــف
قدر موية البحور الما بحدها قيـــــــف
لعروسنا زينة بنات الحضر و الريـــــــف
مليون مبروك لديــنة

بيت مال وعيال

حقيقة نأسف كثيراً بقدر ماإمتلأ قلبنا بالفرح وذلك لتباعد الخطى بين أبناء وبنات الدفعة ليس على مستوى التلاقي الدوري وإنما على الأقل على المستوى الإجتماعي فقد تباعدت الخطى كثيرا وكم حزنت عندما علمت من الأخ عبد الناصر والأخ محمد ماجرى والتقصير الذي حدث قد لانلقي اللوم على العروس ولكن أين صديقاتها لماذا لم يبلغوا أخوانهم في الدفعة وإنما مصطلح الأخوة إنتهى بنهاية الجامعة؟ كنت أتمنى أن تظل علاقاتنا شامخة بشموخ تلك الدفعة التي كانت منبراً للتواصل في كل النواحي كما هو مشهود لنا بذلك ولكن للأسف حصل ماكنت أتوقعه والله يشهد بالرغم من بعدي منكم ولكن بالتواصل مع الأصدقاء عن طريق الماسنجر أو عن طريق المنتدى فقد تلاشى إحساس الغربة وكأني بينكم وبالرغم من بعدي عنكم فإني حريص كل الحرص على متابعة كل الأخبار فأنتم كنت أكثر من إخوة.

وأخيراً لايسعني إلا أن أقول:

إيه الدنيا غير لمة في لحظة فرح أو ساعة حزن

avatar
باسطه
الرتبة الذهبية
الرتبة الذهبية

عدد الرسائل : 218
العمر : 34
العنوان : مدني - حي مايو ونص
تاريخ التسجيل : 11/07/2007

معاينة صفحة البيانات الشخصي للعضو http://www.quest.net

الرجوع الى أعلى الصفحة اذهب الى الأسفل

رد: شكرا حزيناوالف الف مبروك يالدينه..............؟؟؟؟؟

مُساهمة  طارق في الأحد ديسمبر 09, 2007 12:13 pm

سلام يا شباب :
مبروك للأخت لدينة وبيت مال وعيال ان شاء الله . أقول ليك يا مجحمد عوض مأساة جديدة كنت ماري يوم فقابلت الأخت مودة خوجلي فعلمت منها أنها تزوجت في عيد رمضان ولم يعرف أحد بهذا الزواج . ودي الحاجات النحنا ما دايرنها تحصل مرة ثانية .
avatar
طارق
البرونزية
البرونزية

عدد الرسائل : 41
تاريخ التسجيل : 29/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شكرا حزيناوالف الف مبروك يالدينه..............؟؟؟؟؟

مُساهمة  ahmed altayb في الإثنين ديسمبر 10, 2007 8:26 am

cyclops cyclops cyclopsا لف مبروك لي لدينة بيت مال وعيال وعقبال الباقين
والله ياطارق الحركة دي حتشوفوها كتتتتتتتتتتتتتتتتتتتتتتتتتتتتتتتتتتتتتتتتير
مامرة واحدة وبعد دة انا بقول للشباب انسوا المواضيع دي لانوا الجماعة ديل مادايرنكم عديل
وبعد سنة تقريبا بتتضح الرؤيا cyclops cyclops cyclops للجميع Basketball Basketball Basketball

_________________

ahmed altayb
البرونزية
البرونزية

عدد الرسائل : 77
تاريخ التسجيل : 13/05/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شكرا حزيناوالف الف مبروك يالدينه..............؟؟؟؟؟

مُساهمة  toproot في الإثنين ديسمبر 10, 2007 10:21 am

شباب العز والأمجاد
السلام عليكم

أحييكم على الروح العالية ، لكن هناك نقطة مهمة لانغفل عليها انو البنات ما زي الاولاد بصراحة يعني ، انا داير نفهم القضية من ناحية اهل العريس والعريس نفسه ، نحنا اهلنا في السودان بصراحة عندنا الشك في اي حاجة يعني ممكن يقولوا ليها جامعة وانتهت شنو تاني؟؟؟؟معليش فهم غير صحيح لكنه وارد ، فلا ينبغي ان نضع اخوتنا وزميلاتنا في وضع حرج أما نحن أو زوجها ؟؟؟؟ كلامي دا من قصة حقيقة حصلت لبنت عمي زاتو في الجامعة وزوجها في السعودية بتصل بيها لمن يلقى الخط مشغول طوالي بجرجر معاها بحرجها شديد بتتكلمي مع منو؟؟؟ انت هسع وين ؟؟ والله بهذا الاسلوب ، وقصة تانية بسبب الزميل استحي ان اذكرها ؟؟؟؟ داير أأكد ليكم البنت لا قدرة لها ولا حيلة .

لكن ما الحل لمثل هذه المشاكل ؟؟؟

هو من دعانا نجيب دعوته بلا تردد ، ومن سكت فاعلم انه مغلوب على أمره في الحالة دي لو كان في بنات ولو اثنين حضروا المناسبة كفي الباقي يدعو لهم ويتمنى لهو حياة سعيدة ولو مافي ولا بنت فاتت يمكن يتبرعن بنتين او ثلاثة ويمشوا ليها مع وجود هدية يكون افضل ،


انا ما داير نحرج بعضنا بعض ربما وجودنا يسبب لها حرج شديد ومن محبتنا لغيرنا انو ما دام في خير وصحة وعافية نحن ايضا نفرح بذلك اشد الفرح نعم والله .

ولا يسعني إلا ان اقول مبروك للدينة ومودة ونتمنى لكم الذرية الصالحة وبيت مال وعيال وحياة جديدة سعيدة.

اسال الله ان يجمع بيننا على خير
ودمتم فخرا وعزا.

_________________
ـ بريدة بس عنيدة " أوبونتو ... "
ـ قل :Live Free Or dai
avatar
toproot
البرونزية
البرونزية

عدد الرسائل : 66
العنوان : السودان-الجزيرة-مدني
تاريخ التسجيل : 06/05/2007

معاينة صفحة البيانات الشخصي للعضو http://myfriends.forumotion.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى