سلام عليكم

محمد الجميعابي الخميس سبتمبر 06, 2007 1:13 pm

في البداية و بعد السلام يبدا الكلام على قول الفنان المصري حكيم مشتاقين و الله جد و ما قدرت اصبر للعيد السعيد فحبيت انو اجيكم مع بداية هذا الشهر العظيم .اعاده الله علينا باليمن و الخير و البركة
الحاجة التانية على قول منقولي انو الناس دي مشت وين .......؟؟؟؟؟ الحاصل شنو ؟؟؟؟ اعلم انو الايام دي في سخانة في الجيب و لكن لايمنع انو 1 جنيه في الساعة يخش النت و يلاقي الشباب . كدى لو حسبتوها شوفو في كم عضو منخرض من 25 في المنتدي وانت بالـ 1 جنيه دي حتلاقيهم كلهم (و ماشرط انهم يكونو اون لاين) تطرح موضوعك و مشاركاتك و اشتياقاتك (زي ما انت داير ....) لكن مثلا بالتلفون (موبايل لو موبيتل او اريبا او سوداني سواء كان مسج او مكالمة مكلفة ) عشان تتواصل مع هؤلاء الشباب . طيب الحاجة الثالثة و الماكنت متوقعها وين الناس؟؟؟؟؟؟؟؟؟
نرجو من الاخوان المشاركة ان شاء الله (..........) خليها بالنية عشان نقول انو فلان شارك و هو قاعد ومتواصل معانا .. على العموم يا ساده رمضان كريم و كل عام و انتم بخير
حاجة اخيرة :
ارحب ترحيب خاص بكل الاعضاء الجدد و اخص بالترحيب اختنا ومضة و اقول ليها معليش ....
وماشاء الله الشباب الجدد نوروا منتدانا و منتظرين مديرنا انو يبدع لينا في المنتدي ده ونقول ليهو حارسين اللوق بتاع رمضان new log وربنا يدينا و يديكم العافية .
ونقول للجماعة ما قلتوا عايزين تعملوا قعدة لمحمد الفاتح وين الناس ما شافت همتها بالذات اولاد مدني لانو الراجل ده مسافر ان شاء الله في 1 او 2 رمضان يعني يوم 9 او 10 من الشهر ده و الناس تشد حيلها و ضروري ضروري الاهتمام .
اخيرا جدا جدا :
بقول لحاج الطيب كفارات الشاكوش ده و تصوم و تفطر على بصلة (قصدي على خير).
اخيرأ جدا جدا جدا:
ناس مدني هووووووي نحن قاعدين في رمضان (الفطور الفطور) انا من اسي صايم ههههه
فيا اخوانا بالله كده ما تنسونا مسكول ساي ان شاء الله و ناس باسطة (مسكل انا بتصل عليك "قال شغال قال... مسكول ساي ما بعملوا خليها مسج " /الكلام ده ما قلته انا قالوا زميلكم و لا شنو يا لبد/)
اها يا اخوانا بالله متعونا في رمضان ده بالمواضيع الجميلة ...
و السلام عليكم

طارق الخميس سبتمبر 06, 2007 8:51 pm

السلام عليكم :
لك تحياتي الجميعابي وعودا حميدا للمنتدي والله افتقدناك كتير في المرات السابقة ونتمني أن يرجع المنتدي ذي ما كان في عهدوا الأول ( مشاركات وردود) .
أخيرا : كلمة خاصة ليك ( حقو الزول يكون عندو كلمة ) ..... أظنك فاهمن ......

باسطه الجمعة سبتمبر 07, 2007 1:22 am

جميعابي حبيبنا والله الشوق بحر

والله يا أخوي مما فته رعيتك فكت ياريت ماتنقطع مننا

وبالمناسبة أنا ماإنقطعته لكن إنتو العاملين رايحين

على العموم عوداً حميداً ورمضان كريم وانا عازمك فطور في بيتنا من هسي بخت ليك وصية عند ناس البيت من هسي والبيت بيتك الحالة واحدة كم تمنيت أن أكون معكم وبقربكم في هذا الشهر العظيم لكن القلب معاكم

منقولي السبت سبتمبر 08, 2007 8:19 am

وفي الليله الظلماء يقتقد البدر

مرحب يابطه شكرا لله علي عودتك
وحقيقه انا عانيت الامرين الفتره السابقه والحمد لله
كان عندي شويه مشاكل في الشغل هنا لكن اسي الحمد لله
عموما اهنئ الشباب بقدوم الشهر العظيم
الذي نتنفس نفحاته
ونأمل ان نجعله محطه للتفكر وتجديد التوبه وان
يعيننا مولانا علي صيامه وقيامه وعمل الخير فيه يارحمن
بالنسبه الي الاخ محمد الفاتح بقول لي ناس مدني والله قصرتو عدييييييييييييل
لانو حسب كلامك انو مافي اي حركه ودا عيب في حقكم ..والزول سفرو خلاص جا
شينه منكم
اول فرد يسافر من الدفعه ومن بينكم ماتعملو حاجه ولاحاجه
يامحمد الفاتح لو ناس مدني (اتخفسنو) وناس طيطا العربي وسانتو مشغولين
مع (القصب) تعال علينا والله نعمل ليك قعده في القمر
نحن ناس الرئيس بنوم....والطياره بتقوم
انشاء الله نعمل ليك قعده قدام لافته اعلانيه متحركه...واسأل طيفور ؟؟؟؟؟؟؟
الحركه مطلوبه ياشباب....والعندو ايام فاطرا في رمضان يقضيها والسلام عليكم

اخيرا:
خبر الانتخابات بتاعت الاتحاد شنو يافوكس!!! Embarassed

محمد الجميعابي السبت سبتمبر 08, 2007 8:02 pm

في البداية يا حبايبنا (خدمة في اريبا اصبحت "اصبح الصبح فينا" ام تي ان) مشكورين جدا جدا على الردود
اولا بالنسبة لاخونا طارق الحكاية انو طبعا كان حصلت كنته كده (على قول منقولي في حاجة اخيرة) و منعتنا من الحضور اليكم و كنا مساهرين للصباح والله من مستشفى للقسم و غايتوا واسأل العكودي وقلت ليهو الليلة نمشي لطارق خالد و لكن قدر الله و ما شاء فعل يا شيخنا .... ولك العتبى حتى ترضي..
اما لاخونا باسطة واقول ليهو والله ما بتقصر اصلو ده المعهود عليك دايما يا حبيبنا
اما لا خونا المنقولي فتعال لي بالخاص يا فردة لانو الحكاية دي ...................... بالنية . وربنا كريم
ممكن تسأل سانتو لو ما عايز تتصل علي اوريك الحصل...

ميوية الأحد سبتمبر 09, 2007 8:46 am

حمدلله السلامة والله افتقدناك شديد
كيف الامتحلنلت معاك؟
وطيب مدام كنتو في القسم جنبنا مالك ما بتصلنا؟
المهم كل سنة وانتو طيبين وتصومو وتفطرو علي خير

منقولي الإثنين سبتمبر 10, 2007 8:14 am

[color=blue]

مي عبدالرحمن عبدالمولي كتب:حمدلله السلامة والله افتقدناك شديد
كيف الامتحلنلت معاك؟
وطيب مدام كنتو في القسم جنبنا مالك ما بتصلنا؟
المهم كل سنة وانتو طيبين وتصومو وتفطرو علي خير

يامي انا حقيقه عندي مشكله مع كلمه الاول دي

اتخيلي انو ان الاوان انو امشي مستشفي مكه لطب العيون اعمل نظاره جديده
لانو حسب القرايه فوق لاخونا محمد ذكر (القسم) ولم يذكر (القسم الاول)
يعني الفرق كبير
زي الفرق بين الهبيكه ومحمد تاج(الناس بس ماتزعل)

وانا ارجح القسم الاول حسب ترتيب القول اعلاه
وليس القسم الاول حسب مسمي المكان
لانو الحكايه فيها مستشفيات وكده
عموما لو (اقسمتي) علي ان المعني هو معني المكان(القسم الاول)
ولو انا رقصت(القسم)...اسالو حسكو بفيدكم في تعاليم هذه الرقصه...ماحنصل لي حاجه مفيده
لانو الكلام كلو بقي (قسمه)..العرس (قسمه) والفهم (قسم) مع انو مافي حاجه زي دي حاصله
لا العرس (قسمه) ولا الفهم (قسم)
واسألو سانتو....هل العرس قسم؟؟؟؟؟؟

عموما قسمه الزول مابتفوتو والبيجيني معاك يجيني يامي....وين العيكودي ياخ
ما اختلفنا نتمني ان يشرح بطانيه معني(القسم) وربنا يكضب الشينه...... Smile

اخيرا:
الريد قسم ياعنيه..بلال انا نادو ليا Cool

[/color]

العيكودى الخميس سبتمبر 13, 2007 12:31 pm

عموما قسمه الزول مابتفوتو والبيجيني معاك يجيني يامي....وين العيكودي ياخ
ما اختلفنا نتمني ان يشرح بطانيه معني(القسم) وربنا يكضب الشينه...... Smile

ولو بكت منكم عيوني سامحوها وأعزرونييييييييييييييييييييييييي يا أهلي
وين يالمنقولي والله شوق الشوق الشاقي شقاي وما بشقي بدون اشواقي الشاقية شقاي اخبارك شنو واله مشتاقين >اتها بسيطة عامل شنو يا راجل ........... lol!

ورمضان كريييييييييييييييم

العيكودى الخميس سبتمبر 13, 2007 12:35 pm

باسطه كتب:جميعابي حبيبنا والله الشوق بحر

والله يا أخوي مما فته رعيتك فكت ياريت ماتنقطع مننا

وبالمناسبة أنا ماإنقطعته لكن إنتو العاملين رايحين

على العموم عوداً حميداً ورمضان كريم وانا عازمك فطور في بيتنا من هسي بخت ليك وصية عند ناس البيت من هسي والبيت بيتك الحالة واحدة كم تمنيت أن أكون معكم وبقربكم في هذا الشهر العظيم لكن القلب معاكم

يا ود يا باسطتنا كيف اخبارك ومشتاقين وكل عام وانت والجميع بخير ماتنسي الدعوات ياحمودي وانشاء الله نسمع عنك كل خير cheers

باسطه الخميس سبتمبر 13, 2007 10:48 pm

العيكودى كتب:
باسطه كتب:جميعابي حبيبنا والله الشوق بحر

والله يا أخوي مما فته رعيتك فكت ياريت ماتنقطع مننا

وبالمناسبة أنا ماإنقطعته لكن إنتو العاملين رايحين

على العموم عوداً حميداً ورمضان كريم وانا عازمك فطور في بيتنا من هسي بخت ليك وصية عند ناس البيت من هسي والبيت بيتك الحالة واحدة كم تمنيت أن أكون معكم وبقربكم في هذا الشهر العظيم لكن القلب معاكم

يا ود يا باسطتنا كيف اخبارك ومشتاقين وكل عام وانت والجميع بخير ماتنسي الدعوات ياحمودي وانشاء الله نسمع عنك كل خير

حبيبنا العكودي شوقنا بعدد نجمات السماء وبمد البصر
أخبارك شنو والله فاقدكم كتير أمورك ماشه كيف تمنياتي لك بالتوفيق ولجميع الأخوة وتسلم من كل شر ويديك ألف عافيه

محمد الجميعابي السبت سبتمبر 15, 2007 11:58 pm

سلام لاحلى شباب و المتواصلين معانا اون لاين على النت طبعا (كافي البلاء مسكول ساي ما بدونا ليهو .. قال ... قال) ههههه كيفكم يا شباب 25 و زينة شبابنا و نجوم 25 اكيد ... لكل فرد من هؤلاء انجاز في هذه الدفعة الخالدة و لاينساها ايه احد من كل افراد الدفعة من خفسهم (نسبة للخفس و الخفسنة) و حتي متضبضبهم (نسبة للضبضبة في المكتبة و ابوالهول و اشياء اخري مفيدة) ومن متمنقلهم (مناقل و كده وطبعا التحية لهم) و الغناجون (وما ادراك ما الغناجون) و متكوزنهم (الكوزنة من الكوز ) و متبلزهم (من التليتبيز ) و جميع الاحزاب و الجماعات للدفعة ...............
اكيد ما فهمتوا حاجة لاني انا زاتي ما فهمت حاجة و الكلام ما مرتب و انا داير الحق الرصيد قبل ما يقطع و لنا موعد ...

MOHAMEDALI الإثنين سبتمبر 17, 2007 12:30 pm

من محمدعلي عبد اللطيف رمضان كريم لكل الدفعة وتصوموا تفطرو على خير .
الف مبروووووووك للمريخ الانتصار والفوز على الرفاع والدور والباقي على الجماعة .ناس الهلال الله يستر مايكون جالدنو.

MOHAMEDALI الإثنين سبتمبر 17, 2007 12:35 pm

اهني الجميعابي بالعودة واقول ليه انشاء الله ماتنقطع تاني ولو عزتم اي حاجة انا تحت امركم.

محمد الجميعابي الأربعاء سبتمبر 19, 2007 1:53 am

اديك العافية يا هبكو

محمد الجميعابي الأربعاء سبتمبر 19, 2007 2:51 am

MOHAMEDALI كتب:اهني الجميعابي بالعودة واقول ليه انشاء الله ماتنقطع تاني ولو عزتم اي حاجة انا تحت امركم.

في الحقيقة يا هبيكة بس عايزين لينا شوية طلبات كده ..
دايرين قطن و شاش لانو حمودي ده مجروح في كرامته (فكشروك و جرحو سمعتك)و عليك الله بس امشي مع باسطة ده قسم العظام خلوهو يعملو ليهو اشعة و ما تنسى العيكودي برضو لانو الايام دي اموره مسهلة و المنقولى برضو عندو سوء هضم و ما تنسى تجيب معاك بندول لامير الجماعة طارق ...
ده بس العايزنو منك ..

MOHAMEDALI الإثنين سبتمبر 24, 2007 8:31 am

الحمد لله فزنا وطمبلنا يا منقولي وفي الرد كاسل الزعيم رقص السامبا البرزيلية.
الف مبروك لسيدالبلدوالزعيم .وبرضو ياناس الهلال قولو حمام.الشغل كلو بقى
حمام طيب بالطريقة الزعيم حاياكل حمام افريقيا كلو..والليييييييييلة ياناس الهلال
ما قلناالنجم خلقوا للرجم لكن نجم السوداني بختلف من النجم التونسي .كانت المبارة
جميلة لدرجة الروعة.نال نجوميها القتى المدلل ميسي الكرة السودانية الاسطورة
فيصل العجب.
وبالمناسبة ياحمودي طلباتك دي ماعندنا الرجاء الاتصال باقرب مركز شرطة لاني مافاهم حاجة وعموما الف مبرووووووووووووووووووووووووووووووووووووووووووووووووووووووووووووووووووووووك
للزعيم bounce

[]

MOHAMEDALI الإثنين سبتمبر 24, 2007 11:29 am

زي الفرق بين الهبيكه ومحمد تاج(الناس بس ماتزعل)
لافرق الابالتقوى والله كيف ياانصار السنة

ahmed altayb الإثنين سبتمبر 24, 2007 10:47 pm

احيييييييييييك ياهبيكه واحيييييك تاني والف الف مبروك كيتن علي اي هلالابي ان شاء تشوفوا النجم بالنهار مش في في نص المويه وتوقعاتي انوا الهلال مهزوم 5 اوسته والاحتمال الكبيبر 5 لانوا هن كلهم عارفين الحاصل

سلام عليكم

سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رد: سلام عليكم

رمضان كريم

رد: سلام عليكم

رد: سلام عليكم

رد: سلام عليكم

النجم خلقو للرجم

رد: سلام عليكم

رد: سلام عليكم